БНМАУын Сайд нарын Зөвлөл 1984 онд “Хүн амын автоматжуулсан төв регистрийг байгуулах зарим арга хэмжээний тухай”274 дүгээр тогтоол гаргаж, Статистикийн төв газарт Хүн амын регистрийн товчоог байгуулж байжээ.
Хүн амын регистрийн товчоо хүн амын автоматжуулсан төв регистр (ХААТР)-ийг бий болгох, БНМАУ-ын харьяат иргэдэд регистрийн дугаар олгох, хүн амын тухай мэдээлэл цуглуулах, боловсруулах, ашиглах ажлыг гардан хийх үүрэгтэй.
Энэ товчоо 1984-1985 онд ХААТР бий болгох техник-эдийн засгийн гол үндэслэлийг гаргаж, ХААТР-ийн баазын үзүүлэлтүүдийг хэрэглэх бүх төрлийн маягт, тэдгээрийг хөтлөх, мэдээлэх заавар журам, ангилал, шифр, кодыг боловсруулж, батлуулсанбайна. 1988онд багтаан Монгол Улсын харьяат иргэдэд регистрийн карт хөтөлж, регистр (ХААТР 1)ийн дугаарыг иргэний гэр бүлийн бүртгэлтэй холбож, нэгэн цогц мэдээлэл, лавлагааны систем бий болгосон байна.
Ингэж Монгол Улсын иргэд 1988 онд анх регистрийн дугаартай болжээ. Тухайн үед манай улс 18 аймагтай байсан тул аймгуудын нэрийг цагаан толгойн үсгийн дараалалд оруулан(Ё, Ө үсгийг алгасан) регистрийн дугаар үүсгэжээ. Тухайн үед Говьсүмбэр аймаг байгуулагдаагүй, ДарханУул аймаг Дархан хот, Орхон аймаг Эрдэнэт хот гэсэн статустай аж.
-Регистрийн дугаарын 2 үсэг нь тухайн хүнийг хаана төрснийг мэдээлдэг,Эхний үсэг нь төрсөн буюу регистрийн дугаар олгосон аймаг, дүүргийн код-Дараагийн үсэг нь сум, хорооны код–Тооны эхний 6 орон нь төрсөн он, сар, өдөр
-7 дахь тоо нь тухайн хүний хүйсийг илтгэдэг
-8 дахь тоо нь хяналтын код юм. Хяналтын код нь регистрийн дугаарын үсэг, тоонуудыг өөрчлөх, а лдах аас хамгаалах зориулалттай гэнэ.
