Монгол Улсын Ерөнхий сайдын ивээл дор Бүгд Найрамдах Улс тунхагласны түүхэн ойн өдрийг тохиолдуулан зохион байгуулдаг “Иргэний андгай өргөх ёслол” өнөөдөр боллоо.
Ёслолд Эрдэнэбулган сумын 16 нас хүрч буй шинэ залуу үеийн төлөөлөл сурагчид оролцож,
Монгол Улсын иргэнийхээ нэр төрийг өндөрт өргөн
Их түүх, эрх чөлөөнийхөө эзэн нь байж
Их соёл, зан заншилаа өвлөн дэлгэрүүлж
Үнэнч шударга
Цэвэр ариун
Оюун төгс
Хөдөлмөрч хичээнгүй иргэн байхаа андгайлан нэгэн дор андгайгаа өргөж, аймгийн удирдлагуудаас Монгол Улсын иргэний үнэмлэх, батламжаа гардан авлаа. Үйл ажиллагааг аймгийн Засаг дарга, залуучуудын хөгжлийн салбар зөвлөлийн тэргүүн Б.Цэрэннадмид нээж, сурагчдад амжилт хүсэн, ерөөл өргөлөө. Мөн "Иргэний андгай өргөх ёслол"-ын үйл ажиллагааг зохион байгуулдаг нь өсвөр үе, залуучуудын эх оронч үзлийг нэмэгдүүлэх ач холбогдолтой бөгөөд залуу үеийнхэнд төр улсаа эрхэмлэн дээдлэх, эх орон, ард түмнийхээ өмнө хүлээсэн эрх үүрэг, хариуцлагаа ухамсарлан чин шударгаар амьдрах үзлийг төлөвшүүлэхэд дэмжлэг үзүүлэх нь энэхүү арга хэмжээний зорилго юм. Энэ өдөр Монгол Улсын иргэний үнэмлэхээ гардан авч, Бүрэн эрхт Монгол Улсын иргэн болсноо ёсолсон 16 настнууддаа баяр хүргэж, амьдралд нь аз жаргал, сайн сайхан бүхнийг хүсэн ерөөе.
