Тус хэлтэс нь “ГЭРТЭЭ ЭРТ ХАРЬЯ-ҮР ХҮҮХЭДДЭЭ ҮНЭТ ЦАГАА ЗАРЦУУЛЬЯ” аяны хүрээнд байгууллагын албан хаагчид болон албан хаагчдын хүүхдүүдийг 2024 оны 10-р сарын 16-ний өдөр Шинжлэх ухаан инновацийн төвд сургалтанд хамрууллаа. Сургалтыг байгууллагын дэргэдэх Эцэг эхийн зөвлөл зохион байгуулж, Насан туршийн боловсролын төвийн багш Б.Ганчимэг, Хүүхэд гэр бүлийн хөгжил хамгааллын газрын мэргэжилтэн Э.Эрдэнэчимэг, Цагдаагийн газрын хүүхдийн асуудал хариуцсан ахлах мэргэжилтэн цагдаагийн ахмад Д.Бадамгарав нар хүүхдийн насны онцлогыг харгалзан бие даах чадварыг хөгжүүлэх, хүүхдийг бие даалгаж сургах ба аав ээж асран хамгаалагчийн дэмжлэг, гэр бүл дэх хүүхэд хамгаалал, хүүхдийн хүчирхийллээс урьдчилан сэргийлэх, электрон тамхи, тамхин бүтээгдэхүүний хэрэглээг таслан зогсоох, насанд хүрээгүй хүүхдийн цахим орчны хяналтгүй хэрэглээг бууруулах, хор уршгыг таниулах, урьдчилан сэргийлэх, таслан зогсоох зэрэг сэдвүүдээр хичээл зааж оюун ухаанд нь үнэтэй хувь нэмрийг орууллаа.
